ഏതോ യുഗത്തിന്റെ സായംസന്ധ്യയില്‍
ചേതോഹരി നാം പിരിഞ്ഞു
വേദനയോടെ വേപഥുവോടെ
വേര്‍പിരിഞ്ഞകന്നവര്‍ നമ്മള്‍
(ഏതോ)
തളിര്‍‌ചൂടും ശാഖിയില്‍ കുയിലുകള്‍ പാടി-
ത്തളരും സന്ധ്യകള്‍ തോറും
പരിചിതമേതോ പദനിസ്വനമെന്‍
പടികള്‍ കടന്നു വരുന്നു
ഓര്‍മ്മകളുടെ ഇടനാഴിയിലാരോ
ദീപം കാട്ടി വരുന്നു
സന്ധ്യാദീപം കാട്ടി വരുന്നു
(ഏതോ)
കതിര്‍‌ചൂടും പാടത്ത് കിളികളെയാട്ടാന്‍
കമനി എങ്ങുനിന്നെത്തി
മധുമൊഴി നിന്നില്‍ കുറുകും പ്രാവുകള്‍
ശ്രുതികളിലമൃതു പകര്‍ന്നു
ഓര്‍മ്മകളുടെ മലരങ്കണമാകെ
ഓണപ്പൂക്കളമായി
വീണ്ടും ഓണപ്പൂക്കളമായി
(ഏതോ)
