അമ്പിളിയമ്മാവാ തിരിഞ്ഞുനിന്നന്‍പിനോടൊന്നു ചൊല്ല്
എങ്ങുപോകുന്നിവണ്ണം തനിച്ചു നീ അങ്ങുഞാനും വരട്ടോ?
വെള്ളിത്തളികപോലെ മാനത്തുനീ വെട്ടിത്തിളങ്ങുന്നല്ലോ
വല്ലതും നീതരാമോ വിശക്കുന്നു കൂടെഞാനുംവരട്ടോ?
താരകപ്പെണ്മണികള്‍ നടുവില്‍നീ രാജനായ് വാണിടുമ്പോള്‍
താണവരോടുമിണ്ടാന്‍ നിനക്കൊരു നാണമാകുന്നതുണ്ടോ?
നേരമിരുട്ടിയല്ലോ നിനക്കയ്യോ പേടിയില്ലേ നടക്കാന്‍ ?
കൂട്ടിന്നു വന്നിടാം ഞാന്‍ നല്ലനല്ല പാട്ടുകള്‍ പാടിടാം ഞാന്‍
അമ്പിളിയമ്മാവാ തിരിഞ്ഞുനിന്നന്‍പിനോടൊന്നു ചൊല്ല്
എങ്ങുപോകുന്നിവണ്ണം തനിച്ചു നീ അങ്ങുഞാനും വരട്ടോ?
