भिजलेल्या क्षणांना आठवणीची फोडणी
हळदीसाठी आसुसलेले हळवे मन अन् कांती
आयुष्य हे चुलीवरल्या कढईतले कांदे पोहे
नात्यांच्या या बाजारातून विक्रेत्यांची दाटी
आणि म्हणे तो वरचा ठरवी शतजन्माच्या गाठी
रोज नटावे रोज सजावे धरून आशा खोटी
पाने मिटुनी लाजाळूपरी पुन्हा उघडण्यासाठी
आयुष्य हे चुलीवरल्या कढईतले कांदे पोहे
दूर देशीच्या राजकुमाराची स्वप्ने पाहताना
कुणीतरी यावे हळूच मागून ध्यानी मनी नसताना
नकळत आपण हरवून जावे स्वतःस मग जपताना
अन मग डोळे उघडावे हे दिवास्वप्न पाहताना
आयुष्य हे चुलीवरल्या कढईतले कांदे पोहे
भूत-कालच्या धुवून अक्षता तांदूळ केले ज्यांनी
आणि सजवला खोटा रुखवत भाड्याच्या भांड्यानी
भविष्य आता रंगवण्याचा अट्टहास ही त्यांचा
हातावरल्या मेंदीवर ओतून लिंबाचे पाणी
आयुष्य हे चुलीवरल्या कढईतले कांदे पोहे
आयुष्य हे चुलीवरल्या कढईतले कांदे पोहे
Work
Year
Language
bhijlelyā kṣhṇāṅnā āṭhavṇīchī phoḍṇī
haḻdīsāṭhī āsuslele haḻve man an kāṅtī
āyuṣhy he chulīvralyā kaḍhaītle kāṅde pohe
nātyāṅchyā yā bājārātūn vikretyāṅchī dāṭī
āṇi mhṇe to varchā ṭharvī śhatjanmāchyā gāṭhī
roj naṭāve roj sajāve dharūn āśhā khoṭī
pāne miṭunī lājāḻūprī punhā ughaḍaṇyāsāṭhī
āyuṣhy he chulīvralyā kaḍhaītle kāṅde pohe
dūr deśhīchyā rājkumārāchī svapne pāhtānā
kuṇītrī yāve haḻūch māgūn dhyānī manī nastānā
nakaḻt āpaṇ harvūn jāve svatḥas mag japtānā
an mag ḍoḻe ughḍāve he divāsvapn pāhtānā
āyuṣhy he chulīvralyā kaḍhaītle kāṅde pohe
bhūt-kālachyā dhuvūn akṣhtā tāṅdūḻ kele jyāṅnī
āṇi sajavlā khoṭā rukhavat bhāḍyāchyā bhāṅḍyānī
bhaviṣhy ātā raṅgavaṇyāchā aṭṭhās hī tyāṅchā
hātāvralyā meṅdīvar otūn liṅbāche pāṇī
āyuṣhy he chulīvralyā kaḍhaītle kāṅde pohe