പിന്നെയുമിണക്കുയിൽ പിണങ്ങിയല്ലോ
ഇന്നെന്താണിന്നെന്താണുറക്കമില്ലേ ...ഉറക്കമില്ലേ?
പിന്നെയുമിണക്കുയിൽ പിണങ്ങിയല്ലോ
ഇന്നെന്താണിന്നെന്താണുറക്കമില്ലേ ...ഉറക്കമില്ലേ?
കഥയൊന്നു ചൊല്ലുവാൻ ബാക്കിയില്ലേ?
ശ്ശ്‌---മെല്ലെ........ഇനി മെല്ലെ
ഈ കളിയും ചിരിയും കളിത്തോഴിമാർ
കേൾക്കില്ലേ...ഇല്ലേ ?
നാളെയവർ കൈകൊട്ടി കളിയാക്കില്ലേ ?
ഇതു പതിവല്ലേ ? മധു വിധുവല്ലേ
ഈ മണിയറയിൽ തള്ളിയതവരെല്ലാമല്ലേ....അല്ലേ
(പിന്നെയും)
വിരുന്നുകാരൊക്കെയൊന്നു പിരിഞ്ഞൊട്ടെ
വീട്ടിലെ വിളക്കുകൾ അണഞ്ഞോട്ടെ
കഥകൾ പറഞ്ഞോളൂ കവിതകൾ പാടിക്കൊള്ളൂ
മധുവിധു ഇന്നല്ലേ തുടങ്ങിയുള്ളൂ (പിന്നെയും)
ആയിരം രജനികൾ വന്നാലും
ആദ്യത്തെ രാത്രിയിതൊന്നു മാത്രം
മാനസമുരളി തൻ സ്വരരാഗസംഗീതം
ഞാനിന്നടക്കിയാലടങ്ങുകില്ല (പിന്നെയും)
