आली बघ गाई, गाई
शेजारच्या अंगणात
फुललासे निशिगंध
घोटाळली ताटव्यात
आली बघ गाई, गाई
चांदण्यांचे पायी चाळ
लाविले का अवधान
ऐकावया त्यांचा ताल
आली बघ गाई, गाई
लावी करांगुली गाली
म्हणून का हासलीस
उमटली गोड खळी
आली बघ गाई, गाई
लोचनांचे घेई पापे
म्हणून का भारावले
डोळे माझ्या लाडकीचे
आली बघ गाई, गाई
काढीतसे लांब झोका
दमलीस खेळूनिया
झाक मोतियांच्या शिंपा
ālī bagh gāī, gāī
śhejārachyā aṅgṇāt
phullāse niśhigaṅdh
ghoṭāḻlī tāṭavyāt
ālī bagh gāī, gāī
chāṅdaṇyāṅche pāyī chāḻ
lāvile kā avdhān
aikāvyā tyāṅchā tāl
ālī bagh gāī, gāī
lāvī karāṅgulī gālī
mhṇūn kā hāslīs
umaṭlī goḍ khaḻī
ālī bagh gāī, gāī
lochnāṅche gheī pāpe
mhṇūn kā bhārāvle
ḍoḻe mājhyā lāḍkīche
ālī bagh gāī, gāī
kāḍhītse lāṅb jhokā
damlīs kheḻūniyā
jhāk motiyāṅchyā śhiṅpā