आकाश पांघरुनी जग शांत झोपले हे
घेऊन एकतारी गातो कबीर दोहे
गगनात हासती त्या स्वप्नील मंद तारा
वेलीवरी सुखाने निजला दमून वारा
कालिंदीच्या तीरी या, जळ संथ संथ वाहे
भरला स्वरात त्याच्या भक्तीतला सुगंध
ओठांत आगळाच आनंद काही धुंद
त्याच्या समोर पुढती, साक्षात देव आहे
काहूर अंतरीचे भजनात लोप होई
भक्तीत श्रीहरीच्या मन हे रमून जाई
उघडून लोचनांना तो दिव्य रुप पाहे
ākāśh pāṅghrunī jag śhāṅt jhople he
gheūn ektārī gāto kabīr dohe
gagnāt hāstī tyā svapnīl maṅd tārā
velīvrī sukhāne nijlā damūn vārā
kāliṅdīchyā tīrī yā, jaḻ saṅth saṅth vāhe
bharlā svrāt tyāchyā bhaktītlā sugaṅdh
oṭhāṅt āgḻāch ānaṅd kāhī dhuṅd
tyāchyā samor puḍhtī, sākṣhāt dev āhe
kāhūr aṅtrīche bhajnāt lop hoī
bhaktīt śhrīhrīchyā man he ramūn jāī
ughḍūn lochnāṅnā to divy rup pāhe