आज राणी पूर्वीची ती प्रीत तू मागू नको
आज राणी पूर्वीची ती प्रीत तू मागू नको
कालचे वेड्या फुलांचे, रंग तू मागू नको
सांजता चाफ्याकळीचे चुटपुटीचे भेटणे
पानजाळीतून झिरपे, बावरेसे चांदणे
त्या क्षणांचे, चांदण्यांचे स्पर्श तू मागू नको
पाकळयांचे शब्द होती, तू हळू निश्वासता
वाजती गात्री सतारी, नेत्रपाती झाकता
त्या फुलांचे, त्या स्वरांचे, गीत तू मागू नको
रोखूनी पलकांत पाणी, घाव सारे साहीले
अन सुखाच्या आसवांचे, मीठ डोळा साचले
या घडीला मोतियाचा घास तू मागू नको
काय बोलू श्वासभारे चांदणे डहूळेल का ?
उमलण्याचे सुख फिरुनी, या फुला सोसेल का ?
नीत नवी मरणे मराया, जन्म तू मागू नको
āj rāṇī pūrvīchī tī prīt tū māgū nako
kālche veḍyā phulāṅche, raṅg tū māgū nako
sāṅjtā chāphyākḻīche chuṭpuṭīche bheṭṇe
pānjāḻītūn jhirpe, bāvrese chāṅdṇe
tyā kṣhṇāṅche, chāṅdaṇyāṅche sparśh tū māgū nako
pākaḻyāṅche śhabd hotī, tū haḻū niśhvāstā
vājtī gātrī satārī, netrpātī jhāktā
tyā phulāṅche, tyā svrāṅche, gīt tū māgū nako
rokhūnī palkāṅt pāṇī, ghāv sāre sāhīle
an sukhāchyā āsvāṅche, mīṭh ḍoḻā sāchle
yā ghaḍīlā motiyāchā ghās tū māgū nako
kāy bolū śhvāsbhāre chāṅdṇe ḍahūḻel kā ?
umalaṇyāche sukh phirunī, yā phulā sosel kā ?
nīt navī marṇe marāyā, janm tū māgū nako