आई, आई ये ना जरा बाबा कडे बघ
बाबाच्या डोळ्यांमधे पावसाचे ढग
बाबा असा बघायला दिसे ना गं बरा
अळिमिळी गुपचिळी पडलेला वारा
हले नाही डूले नाही जसा काही फोटो
आवाजही त्याला माझा लांबूनच येतो
उभा तर उभा आणि बसे तर बसे
हसे तेव्हा अजुनच कसनुसा दिसे
विचारले बाबा काय पाहतोस सांग
बघे म्हणे आभाळाचा लागतो का थांग
काय सांगू पोरी तुला कळणार नाही
आभाळ न आले हाती जमीनही नाही
चहूकडे कोंडलेल्या जगण्याच्या दिशा
हाती नाही काम गाडा चालायचा कसा
घोडा झालो तरी काही शिकलोच नाही
विकायाच्या जगामधे टिकलोच नाही
आणि मग उठोनिया कुशीमधे मागे घेतो
ओले डोळे पुसोनिया ओली पापी घेतो
घाबरतो जीव बाबा असे काय बोले
चित्रातले रंग त्याच्या जसे ओले ओले
चेहऱ्याचा रंग त्याच्या सांग कोणी नेला
हसणारा बाबा कुणी पळवून नेला
आई, आई ये ना जरा बाबा कडे बघ
Work
Language
āī, āī ye nā jarā bābā kaḍe bagh
bābāchyā ḍoḻyāṅmdhe pāvsāche ḍhag
bābā asā baghāylā dise nā gaṅ barā
aḻimiḻī gupchiḻī paḍlelā vārā
hale nāhī ḍūle nāhī jasā kāhī phoṭo
āvājhī tyālā mājhā lāṅbūnach yeto
ubhā tar ubhā āṇi base tar base
hase tevhā ajunach kasnusā dise
vichārle bābā kāy pāhtos sāṅg
baghe mhṇe ābhāḻāchā lāgto kā thāṅg
kāy sāṅgū porī tulā kaḻṇār nāhī
ābhāḻ na āle hātī jamīnhī nāhī
chahūkḍe koṅḍlelyā jagaṇyāchyā diśhā
hātī nāhī kām gāḍā chālāychā kasā
ghoḍā jhālo tarī kāhī śhikloch nāhī
vikāyāchyā jagāmdhe ṭikloch nāhī
āṇi mag uṭhoniyā kuśhīmdhe māge gheto
ole ḍoḻe pusoniyā olī pāpī gheto
ghābarto jīv bābā ase kāy bole
chitrātle raṅg tyāchyā jase ole ole
chehaऱyāchā raṅg tyāchyā sāṅg koṇī nelā
hasṇārā bābā kuṇī paḻvūn nelā