ആടുപാമ്പേ വിളയാടുപാമ്പേ
അണിയറവിട്ടിറങ്ങി ആടുപാമ്പേ
അണലിക്കും വരാം ശംഖുവരയനും വരാം
മൂര്ഖനും വരാം എട്ടടിമൂര്ഖനും വരാം
ഞങ്ങടെ പ്രകടനപത്രികയില്
നിങ്ങള്ക്കുവാഗ്ദാനം സര്വോദയം
അയ്യോ
ഞങ്ങടെ പ്രകടനപത്രികയില്
നിങ്ങള്ക്കുവാഗ്ദാനം സര്വോദയം
അരികത്തുവന്നാലുടന് സുഖമരണം
അതുതന്നെയല്ലോ ശാശ്വതവിജയം
നിങ്ങടെ വിഷവും ഞങ്ങടെ കുശുമ്പും
ഒന്നാണേ ഒന്നാണേ....
നിങ്ങടെ രഹസ്യങ്ങള് മാളങ്ങളില്
ഞങ്ങടെ രഹസ്യങ്ങള് മാളികയില്
ആഹാ
നിങ്ങടെ രഹസ്യങ്ങള് മാളങ്ങളില്
ഞങ്ങടെ രഹസ്യങ്ങള് മാളികയില്
അണലികളുണ്ട് ഞങ്ങള്ക്കിടയില്
അത്താഴം മുടക്കും നീര്ക്കോലിയുണ്ട്
നിങ്ങടെ വിഷവും ഞങ്ങടെ കുശുമ്പും
ഒന്നാണേ ഒന്നാണേ....